Azahara Domínguez eta Mikel Serrano, Zumarragako Udaleko alkatea, elkartu dira
Azahara Domínguez, Mugikortasun, Turismo eta Lurralde Antolaketako diputatuak, eta Mikel Serrano, Zumarragako alkateak, asteazken honetan lan bilera bat izan dute, tokiko garraio publikoaren egoera aztertu eta Zumarragaren loturak hobetzeko aukera posibleak ikertzeko. Esaterako, Debagoieneko Mondragon Unibertsitateko campusarekin (Urola Garaiko gazte askoren ikasketa tokia) eta Loiuko aireportuarekin loturak hobetzeko aukera aztertu dute. Bi instituzio ordezkariak hobetzeko bideak aztertzera ados jarri dira, udako ikasturtearen hasieran Lurraldebusen zerbitzuan aplikatzeko asmoarekin.
Era berean, diputatuak alkateari konpromisoa hartu dio Lurraldebusen sexu indarkerien aurkako protokoloa ezagutarazteko kanpaina bat abiarazteko, Zumarragako biztanleek protokolo horrek jasotzen dituen neurriak ezagut ditzaten. Bi ordezkariak bileraren balorazio oso ona egin dute eta udaletik itzuli ondoren berriro elkartzeko asmoarekin agurtu dira.