Garikoitz Agirrezabal irabazle Ekin sarian
Urretxuarra den Garikoitz Agirrezabalek Ekin saria irabazi du, eskuko peloten fabrikatzailearen makina batekin. Irabazlea BIC Gipuzkoako instalazioetan, Miramongo Teknologiako Parkean, sariak eman ziren ekitaldian aurkeztu da. Bertan, Lanbide Heziketako ikasleek sortutako proposamen teknologiko iradokitzaileena bildu dira.
Tknika (Euskal Herriko Lanbide Heziketako Ikaskuntza Aholkularitza Zentroa) eta Eusko Jaurlaritzako Hezkuntza Sailak sustatutako ekitaldi honek ikerkuntza teknologikoa eta berrikuntza sustatzea da helburu nagusia. Agirrezabal 30 urteko gaztea da, pelotari ohi eta 15 urtez pelotaren artisau gisa lan egin duena; gainera, Automatikako eta Robotikako Teknikaria izan da.
Proiektu honen bidez, peloten fabrikazio prozesuan zailtasun handiak dituzten funtzioak automatizatu nahi ditu. Makina honek lana 15 aldiz azkarrago egiten du, eta laneko osasunarentzat ere onura handiak dakartza, operarioen eskuetako lesio kronikoen arriskua murrizten duelako. Kiski Pilotak proiektuak 1.000 euroko irabazpena lortu du BIC Gipuzkoatik, garapen eta proba teknikoetarako erabiliko dena.
Agirrezabalek azaldu duenez, ez dute artisautza tradizionalaren aurka lehiatu gura, baizik eta modernizatu eta lan merkatuan hutsunea betetzea.
